AR Rahman Mumbai Concert : ट्रेन, बस किंवा कारने डीवाय पाटील स्टेडियमला कसं जायचं? मार्ग कसा? वाचा
मुंबईतील नेरुळ येथील डी वाय पाटील स्टेडिअमवर आज दिग्गज संगीतकार ए. आर. रहेमान यांचा लाईव्ह परफाॅर्मन्स पहायला मिळणार आहे. हा कार्यक्रम आज सायंकाळी चार वाजता सुरु होणार आहे. या बहुप्रतिक्षित संगीत मैफिलीला हजारो चाहत्यांना प्रतिक्षा लागली आहे. या कार्यक्रमस्थळी पोहोचण्यासाठी ट्रेन, बस, कार किंवा बाईकवर जाता येणार आहे. मात्र जाण्यासाठी सर्वात चांगला मार्ग कोणता, हेच आपण या बातमीत सांगणार आहोत.
लोकल ट्रेनचे मार्ग कसा?
तुम्ही चर्चगेट, दादर, वांद्रे किंवा अंधेरी सारख्या भागातून कार्यक्रमाला जाणार असाल, तर दादर किंवा वडाळा रोडला जाण्यासाठी वेस्टर्न लाईन लोकल ट्रेन निवडा. त्यानंतर हार्बर लाईनवर जावे लागेल. तेथून पनवेलला जाणाऱ्या ट्रेनमध्ये जाऊन पुढे नेरुळ स्टेशनवर उतरावे लागेल. हे स्टेशन डीवाय पाटील स्टेडियमच्या सर्वात जवळ आहे. स्टेशनपासून १० मिनिटांचा ऑटो प्रवास किंवा २० मिनिटांचा चालण्याचा अंतर आहे.
सेंट्रल लाईन वरून कसे जायचे?
सीएसटी, भायखळा किंवा घाटकोपरहून येणारे प्रवासी कुर्ला किंवा वडाळा रोडला जाणारी ट्रेन निवडू शकतात. त्यानंतर हार्बर लाईनने पनवेलकडे जाऊ शकतात. स्टेडियममध्ये जलद पोहोचण्यासाठी नेरुळ स्टेशनवर उतरा.
हार्बर लाईन वरून कसे जायचे?
हार्बर लाईनवरुन म्हणजेच वाशी, बेलापूर, पनवेलवरुन तुम्हाला कार्यक्रमस्थळी जायचे असेल तर नेरुळला पोहोचणे थेट आणि सोपे आहे. गाड्या वारंवार येतात आणि नेरुळ स्टेशन चांगले जोडलेले आहे.
बसने कसे जायचे?
मुंबईतील प्रमुख उपनगरे आणि नेरुळ दरम्यान बेस्ट आणि एनएमएमटी बसेस देखील वारंवार धावतात. तुम्ही नेरुळ डेपो किंवा डीवाय पाटील विद्यापीठाकडे जाणाऱ्या बसेस पकडू शकता. जर तुम्हीला कार, टॅक्सी किंवा ऑटो-रिक्षाने प्रवास करायचा असेल, तर डीवाय पाटील स्टेडियमला जाण्यासाठी सर्वात कार्यक्षम मार्ग शोधण्यासाठी गुगल मॅप्स सारख्या नेव्हिगेशन टूल्सचा वापर करणे चांगले.
पार्कींग ट्रॅफिकजामची शक्यता
स्टेडियममध्ये पार्किंग मर्यादित असू शकते, म्हणून जवळच्या पार्किंग सुविधांचा वापर करण्याचा किंवा सार्वजनिक वाहतुकीचा वापर करण्याचा विचार करा असा इशाराही देण्यात आला आहे. याशिवाय मुंबईतील गर्दीची शक्यता लक्षात घेता कार्यक्रमस्थळाभोवती मोठ्या प्रमाणात वाहतूक कोंडी होण्याची शक्यता व्यक्त केली जात आहे.
कार्यक्रमाची चाहत्यांना प्रतिक्षा
हा कार्यक्रम भारत सरकारद्वारे आयोजित करण्यात आला आहे. वेव्हज समिटचा भाग म्हणून हा कार्यक्रम आयोजित करण्यात आला आहे. ज्यामध्ये JSW, अदानी, बजाज अलायन्झ, रामपूर, किंगफिशर, टाटा मोटर्स, पंचशील रिअॅल्टी, HSBC, boAt, वेदिका, RRP इलेक्ट्रिकल्स आणि महाराष्ट्र टुरिझम सारखे ब्रँड सहभागी होत आहेत. या कार्यक्रमात ए.आर. रहमान यांची लाईव्ह गाणी ऐकणे ही एक पर्वणीच असणार आहे. सुखविंदर सिंग, जोनिता गांधी, मोहित चौहान असे पाहणे कलाकारही या कार्यक्रमात सहभागी होणार आहेत.
Click it and Unblock the Notifications
Sign in with Google