फायरचा फ्लाँवर झाला..! 'पुष्पा'ला 14 दिवसांची न्यायालयीन कोठडी; मेडिकल टेस्टही केली

दाक्षिणात्य सुपरस्टार अल्लू अर्जुनला आज हैदराबाद पोलिसांनी अटक केली. संध्या थिएटरमध्ये आयोजित केलेल्या प्रिमिअर शोदरम्यान झालेल्या चेंगराचेंगरीत एका महिलेचा मृत्यू झाला होता. त्याच प्रकरणात आज अल्लू अर्जुनला अटक झाली. त्याला आज न्यायालयात हजर केले असता न्यायालयाने अल्लू अर्जुनला १४ दिवसांची न्यायालयीन कोठडी सुनावली. यामुळे त्याचा जामीनाचा मार्ग मोकळा झाला आहे.

काय होता अल्लू अर्जुनवर आरोप?

अल्लू अर्जुनचा पुष्पा-२ हा चित्रपट नुकताच प्रदर्शित झाला. याच चित्रपटाच्या प्रिमिअर शो हैदराबाद येथील संध्या थिएटरमध्ये आयोजित करण्यात आला होता. त्यावेळी अल्लू अर्जुनला पाहण्यासाठी लाखोंची गर्दी जमली होती. याच गर्दीत चेंगराचेंगरी झाली. अखेर अल्लू अर्जूनच्या प्रायव्हेट बाँडीगार्डला धक्काबुक्की करावी लागली. पुष्पा 2 च्या प्रीमियरसाठी अल्लू अर्जुनने उपस्थितीबद्दल आगाऊ माहिती न दिल्याचा आरोप, करत त्याच्यावर गुन्हा दाखल करण्यात आला. तर संध्या थिएटरवर सुरक्षेबाबत निष्काळजीपणाचा आरोप करण्यात आला आहे. या घटनेनंतर अल्लू अर्जुनने मृत महिला आणि तिच्या कुटुंबीयांप्रती संवेदना व्यक्त करत 25 लाख रुपयांची मदत केली. तसेच दुःख व्यक्त करणारा व्हिडीओही सोशल मीडियावर शेअर केला होता.

अल्लू अर्जुनला अटक व कोठडी

गुन्हा दाखल झाल्यानंतर आज अल्लू अर्जुनला पोलिसांनी त्याच्या घरी जाऊन अटक केली. त्यानंतर त्याला हैद्राबादच्या गांधी रुग्णालयात मेडिकल टेस्टसाठी हजर करण्यात आलं. दक्षिणेत प्रचंड फेमस असलेल्या अल्लू अर्जुनला पाहण्यासाठी तिथेही गर्दी झाली होती. अल्लू अर्जुनला पाहून त्यावेळीही चाहत्यांनी आरडाओरड सुरू केली.एका सर्वसामान्य आरोपीप्रमाणे अल्लू अर्जुनला अटक करण्यात आली. तसेच त्याला शासकीय रुग्णालयातही मेडिकल टेस्टसाठी नेण्यात आलं. दरम्यान, आज त्याला न्यायालयात हजर करण्यात आल्यानंतर न्यायलाने अल्लू अर्जुनला 14 दिवसांची न्यायालयीन कोठडी सुनावली. त्यामुळे आता त्याच्या जामीनाचा मार्ग मोकळा झाला आहे.