Housefull 5 BO Collection : अक्षयच्या चित्रपटाची बॉक्स ऑफिसवर जादू कायम, किती झाली कमाई?

Housefull 5 BO Collection : हाऊसफुल 5 ने थिएटरमध्ये 8 दिवस पूर्ण केलेत. चित्रपट बॉक्स ऑफिसवर चांगली कमाई करत आहे. त्याच्या कलेक्शनने 130 कोटी रुपये कमावले आहेत. चित्रपटाने अवघ्या 5 दिवसांत 100 कोटींचा टप्पा ओलांडला. त्यानंतर, चित्रपटाच्या कमाईत घट होताना दिसत आहे. प्रेक्षक या चित्रपटाच्या दोन्ही आवृत्त्या पाहू लागले आहेत.

सातव्या अन् आठव्या दिवशी किती झाली कमाई?

ट्रेड साइट सॅकनिल्कनुसार, 'हाऊसफुल 5' ने आठव्या दिवशी 6 कोटी रुपये कमावले आहेत. सातव्या दिवशी 6.75 कोटी रुपये, सहाव्या दिवशी 8.5 कोटी रुपये, पाचव्या दिवशी 11.25 कोटी रुपये, चौथ्या दिवशी 13 कोटी रुपये, तिसऱ्या दिवशी 32 कोटी रुपये, दुसऱ्या दिवशी 30 कोटी रुपये आणि पहिल्या दिवशी चित्रपटाने 24 कोटी रुपये कमावले आहेत. चित्रपटाचे एकूण कलेक्शन 133 कोटी रुपयांवर पोहोचले आहे.

चित्रपट आता दुसऱ्या आठवड्याच्या शेवटी आला आहे. विशेष बाब म्हणजे, या आठवड्यात कोणताही मोठा चित्रपट प्रदर्शित झालेला नाही. हाऊसफुल 5 ला याचा फायदा होऊ शकतो. हाऊसफुल 5 ने ईदला प्रदर्शित झालेल्या सलमान खानच्या सिकंदर चित्रपटाला मागे टाकले आहे.

व्यापार तज्ज्ञांच्या मते, या आठवड्यातही कोणताही मोठा चित्रपट प्रदर्शित होत नाहीये. त्यामुळे, आठवड्याच्या शेवटी या चित्रपटाच्या कमाईत वाढ दिसून येते. चित्रपटाचे कलेक्शन सुमारे 175 कोटी रुपयांपर्यंत पोहोचण्याची अपेक्षा आहे. दुसऱ्या आठवड्यात चित्रपट 50 कोटी रुपयांची कमाई करेल असा देखील अंदाज तज्ज्ञांकडून विचारला जात आहे.

हाऊसफुलच्या मागील 4 भागांचे बॉक्स ऑफिस कलेक्शन किती?

• हाऊसफुल (2010): 74.4 कोटी
• हाऊसफुल 2 (2012): ११४ कोटी
• हाऊसफुल 3 (2016): १०७.७ कोटी
• हाऊसफुल 4 (2019): २०६ कोटी
• एकूण कलेक्शन : 502.01 कोटी रुपये

या कलाकारांचा आहे या चित्रपटात समावेश!

अक्षय कुमारसोबत, रितेश देशमुख, अभिषेक बच्चन, फरदीन खान, जॅकलिन, सोनम बाजवा, नर्गिस फाखरी, संजय दत्त, जॅकी श्रॉफ, नाना पाटेकर, चंकी पांडे, जॉनी लिव्हर, श्रेयस तळपदे, दिनो मोरिया, चित्रांगदा सिंग, रणजीत आणि निकितिन धीर यासारख्या अभिनेत्री या चित्रपटात दिसणार आहेत. या चित्रपटाचे दिग्दर्शन तरुण मनसुखानी यांनी केले आहे.