Aishwarya Rai : ऐश्वर्या-अभिषेकमध्ये सर्व ठीक आहे का?, ऐश्वर्याची पोस्ट चर्चेत

अभिनेता अभिषेक बच्चन आणि अभिनेत्री ऐश्वर्या राय बच्चन यांच्या घटस्फोटाच्या अफवा बऱ्याच दिवसांपासून चर्चेत होत्या. मात्र, या अफवांना पूर्णविराम देत ऐश्वर्याने तिच्या सासऱ्या अमिताभ बच्चन यांच्या वाढदिवसानिमित्त सोशल मीडियावर एक खास पोस्ट केली.

11 ऑक्टोबर रोजी अमिताभ बच्चन यांनी त्यांचा 82 वा वाढदिवस साजरा केला. यावेळी ऐश्वर्याने एक थ्रोबॅक फोटो शेअर करून त्यांना शुभेच्छा दिल्या. या फोटोमध्ये अमिताभ बच्चन आणि त्यांच्या नात आराध्या एकत्र दिसत आहेत. या पोस्टमुळे बच्चन कुटुंबात मतभेद नसल्याचे स्पष्ट झाले आहे. या पोस्टने चाहतेही उत्साहित झाले आहेत. गेल्या काही काळात अभिषेक आणि ऐश्वर्या यांच्या घटस्फोटाच्या चर्चा पुन्हा सुरू झाल्या होत्या. मात्र, या पोस्टमुळे त्या चर्चांना पूर्णविराम मिळाला आहे.

अशी आहे पोस्ट

ऐश्वर्या हिने रात्री उशिरा एक थ्रोबॅक फोटो शेअर करून बिग बींना वाढदिवसाच्या शुभेच्छा दिल्या. ज्यामध्ये अमिताभ बच्चन आणि त्यांची नात आराध्या दिसत आहे. फोटोमध्ये बिग बी पांढऱ्या रंगाच्या हुडीमध्ये हसताना दिसत आहेत, तर आराध्या फुलांच्या ड्रेसमध्ये आजोबांना मिठी मारत उभी आहे. ऐश्वर्याने पोस्टला कॅप्शन दिले, 'वाढदिवसाच्या शुभेच्छा, आजोबा, तुमचा सदैव आशीर्वाद असू द्या.'

चाहते काय म्हणाले?

ही पोस्ट पाहून चाहते उत्साहित झाले आणि अनेकांनी कमेंट्समध्ये आनंद व्यक्त केला. एका यूजरने लिहिले की, 'शेवटी, तुम्ही खूप दिवसांनी काहीतरी पोस्ट केले.' तर दुसरा म्हणाला, 'माझी इच्छा आहे की अभिषेक आणि ऐश कधीही वेगळे होऊ नयेत, देव आशीर्वाद देईल.' तर एकाने लिहिले की, 'त्यांचे नाते सदैव असेच राहो.'

का सुरू झाली अफवा?

अनंत अंबानी आणि राधिका मर्चंट यांच्या लग्नानंतर अभिषेक आणि ऐश्वर्या यांच्या घटस्फोटाच्या चर्चा सोशल मीडियावर सुरू होती. अंबानींच्या लग्न सोहळ्यात दोघेही वेगळे पोहोचले होते. याशिवाय ऐश्वर्याने आयफा २०२४ मध्ये आराध्यासोबत हजेरी लावली होती, तर अभिषेक तिच्यासोबत दिसला नाही, त्यानंतर घटस्फोटाच्या अफवांना वेग आला. या चर्चेवर या जोडप्याने आतापर्यंत यावर मौन बाळगले आहे.
..