मनोज बाजपेयी यांचा अपघात, शूटिंगदरम्यान गंभीर दुखापत, जाणून घ्या अभिनेत्याची प्रकृती बद्दल अपडेट

Manoj Bajpayee Injury: बॉलिवूड अभिनेता मनोज बाजपेयीबद्दल एक मोठी बातमी समोर येत आहे. मनोज बाजपेयी यांचा शुटींगदरम्यान एक अपघात झाला आहे. चित्रपटाच्या शूटिंगदरम्यान मनोज बाजपेयी जखमी झाले आहेत.

मनोज बाजपेयी यांच्या गुडघ्याला दुखापत

'डिस्पॅच'या चित्रपटाचा प्रीमियर 21 नोव्हेंबर 2024 गुरुवार रोजी गोव्यात आयोजित आंतरराष्ट्रीय चित्रपट महोत्सवात झाला. मनोज बाजपेयी यांनी पत्रकार परिषदेत आपल्यासोबत झालेल्या अपघाताची माहिती लोकांना दिली. मनोज बाजपेयी म्हणाले की, चित्रपटात पत्रकाराची भूमिका साकारताना मला पत्रकाराचे व्यावसायिक आयुष्य आणि वैयक्तिक आयुष्य या दोन जगामध्ये समतोल साधावा लागला.

'दुखापतीवर उपचारासाठी अमेरिकेपासून जपानपर्यंत शोध घेतला'. या परिस्थितीत मला अनेकवेळा चालताना त्रास झाला आणि माझ्या गुडघ्यालाही दुखापत झाली. सध्या मी सावरतोय. मनोज बाजपेयी विनोदी पद्धतीने म्हणाले की, मी अमेरिकेपासून जपानपर्यंत या दुखापतीवर उपाय शोधण्याचा प्रयत्न केला, पण मला सर्वत्र आराम मिळाला.

मनोज बाजपेयी पत्रकाराच्या भूमिकेत

'डिस्पॅच' या चित्रपटात मनोज बाजपेयी एका पत्रकाराच्या भूमिकेत आहेत. जो एका मोठ्या आर्थिक घोटाळ्याचा पर्दाफाश करण्यासाठी 24 तास काम करतो. चित्रपटाची खास गोष्ट म्हणजे यात पत्रकारितेचे आतील आणि बाहेरचे जग वास्तववादी पद्धतीने दाखवण्यात आले आहे.

डिस्पॅच' चित्रपट कधी प्रदर्शित होणार?

मनोज बाजपेयी स्टारर 'डिस्पॅच' या चित्रपटाची कथा सत्य घटनांनी प्रेरित आहे. यामध्ये मनोज बाजपेयीसोबत शहाना गोस्वामी आणि अर्चिता अग्रवाल यांच्याही महत्त्वाच्या भूमिका आहेत. हा चित्रपट 13 डिसेंबर 2024 पासून OTT प्लॅटफॉर्म ZEE5 वर स्ट्रीम होईल.