Indian Navy : इंडियन नेव्हीत नोकरीची मोठी संधी! 286 पदं, पगारही चांगला, कुणीही करा अर्ज, फी नाही

Published: Thursday, August 28, 2025, 15:02 [IST]

Indian Navy Naval dockyard mumbai apprentice recruitment 2025 : भारतीय नौसेनेत सेवा बजावण्याची मोठी संधी प्राप्त झाली आहे. इंडियन नेव्हीत नेव्हल डॉकयार्डमध्ये अप्रेंटिस पदांसाठी मोठी भरती करण्यात येत आहे. जर तुम्हाला सागराचा राजा व्हायचे असेल आणि ही संधी सोडायची नसेल तर पटापट अर्ज करा.

नोकरीच्या शोधात असणाऱ्यांसाठी ही भरती प्रक्रीया महत्वाची आहे कारण पात्रतेचा विचार केला तर आठवी ते दहावी पास अशी पात्रता आहे, त्यामुळे आठवीपास झाल्यानंतर कुणीही या पदासाठी विशिष्ट वयापर्यंत अर्ज करु शकतात.

नोकरीची संधी: नेव्हल डॉकयार्डमध्ये अप्रेंटिससाठी भरती

नेव्हल डॉकयार्डमध्ये काम करू इच्छिणाऱ्या तरुणांसाठी ही एक उत्तम संधी आहे. अप्रेंटिसच्या विविध पदांसाठी ही भरती प्रक्रिया सुरू झाली आहे. इच्छुक आणि पात्र उमेदवार अर्ज करून आपल्या स्वप्न साकार करु शकतात.

कधी होईल परिक्षा, कोणते सेंटर असेल?

या पदांसाठी अर्ज प्रक्रिया पूर्णपणे ऑनलाइन असेल आणि उमेदवारांना कोणतेही अर्ज शुल्क भरावे लागणार नाही. त्याचवेळी, लेखी परीक्षा फक्त मुंबईत घेतली जाईल, या परिक्षेची तारीख ऑक्टोबर २०२५ मध्ये होणार आहे. या भरतीची अधिसूचना २३ ते २९ ऑगस्टच्या रोजगार वृत्तपत्रात प्रसिद्ध करण्यात आली आहे. इच्छुक उमेदवार अधिकृत वेबसाइट indiannavy.nic.in द्वारे ऑनलाइन अर्ज करू शकतात.

या पदांसाठी पात्रता (योग्यता)

या पदांसाठी अर्ज करण्यासाठी उमेदवाराने ८वी किंवा १०वी पास असणे अनिवार्य आहे. त्यासोबतच, संबंधित ट्रेडमध्ये आयटीआय (NCVT/SCVT) चे प्रमाणपत्र असणे आवश्यक आहे.