दिवाळी आज की उद्या? शेअर बाजारला सुट्टी कधी अन् किती दिवस वाचा स्टाॅक मार्केटचे 3 दिवसाचे वेळापत्रक

Share market holiday Muhurat trading time : दिव्यांच्या रोषणाईचा सण असलेल्या दिवाळीच्या मुहूर्तावर शेअर बाजारात (Stock Market) मोठी उलथापालथ होते. देशभरात आज (२० ऑक्टोबर २०२५) मुख्य दिवाळी साजरी होत असताना, गुंतवणूकदारांना प्रश्न पडला आहे की मुंबईतील बॉम्बे स्टॉक एक्सचेंज (BSE) आणि नॅशनल स्टॉक एक्सचेंज (NSE) मध्ये आज कामकाज सुरू राहील की नाही?

यावर्षी महाराष्ट्र सरकारने दिवाळीच्या सुट्ट्यांमध्ये बदल केल्यामुळे शेअर बाजाराच्या वेळापत्रकात गोंधळ निर्माण झाला आहे. तुमच्या गुंतवणुकीवर कोणताही परिणाम होऊ नये यासाठी, आजपासून पुढील तीन दिवसांचे शेअर बाजाराचे अधिकृत सुट्ट्यांचे वेळापत्रक आणि शुभ मुहूर्त ट्रेडिंगची वेळ जाणून घेऊया.

दिवाळीमुळे दोन दिवस बाजार बंद

देशभरात आज, २० ऑक्टोबर २०२५ (सोमवार) रोजी दिवाळी (लक्ष्मीपूजन) साजरी होत आहे. मात्र, महाराष्ट्र सरकारने आपल्या अधिकृत राजपत्र सुट्टी कॅलेंडरमध्ये दिवाळीची सुट्टी २१ ऑक्टोबर (मंगळवार) रोजी घोषित केली आहे.

या कारणामुळे, मुंबईतील नॅशनल स्टॉक एक्सचेंज (NSE) आणि बॉम्बे स्टॉक एक्सचेंज (BSE) हे आज (२० ऑक्टोबर) खुले राहतील, परंतु पुढील दोन दिवस ते पूर्णपणे बंद राहतील. यामुळे गुंतवणूकदारांना २१ आणि २२ ऑक्टोबर अशी सलग दोन दिवस सुट्टी मिळणार आहे.शेअर बाजाराचे दिवाळीतील वेळापत्रक (२०२५)

१. दिवाळी (लक्ष्मीपूजन)

तारीख: सोमवार, २० ऑक्टोबर

शेअर बाजाराची स्थिती: बाजार सामान्य वेळेनुसार उघडेल.

२. दिवाळी सुट्टी (महाराष्ट्र सरकार)

तारीख: मंगळवार, २१ ऑक्टोबर लक्ष्मीपुजन (सुट्टी)

शेअर बाजाराची स्थिती: BSE आणि NSE पूर्णपणे बंद (ट्रेडिंग हॉलिडे).

३. बलिप्रतिपदा (पाडवा)

तारीख: बुधवार, २२ ऑक्टोबर

शेअर बाजाराची स्थिती: BSE आणि NSE पूर्णपणे बंद (ट्रेडिंग हॉलिडे).

मुहूर्त ट्रेडिंगचा शुभ मुहूर्त जाहीर

दिवाळीच्या मुहूर्तावर दरवर्षीप्रमाणे यावर्षीही 'मुहूर्त ट्रेडिंग' (Muhurat Trading) चे आयोजन करण्यात आले आहे. हा विशेष सत्र हिंदूंच्या नवीन आर्थिक वर्षाची (विक्रम संवत २०८२) सुरुवात म्हणून शुभ मानला जातो.

मुहूर्त ट्रेडिंगची तारीख: मंगळवार, २१ ऑक्टोबर २०२५

शुभ वेळ: दुपारी १:४५ वाजल्यापासून ते २:४५ वाजेपर्यंत. यापूर्वी हे सत्र संध्याकाळी आयोजित केले जात होते, परंतु यावर्षी अधिक गुंतवणूकदारांनी सहभागी व्हावे यासाठी ते दिवसा आयोजित केले जात आहे.

गुंतवणूकदारांमध्ये उत्साह आणि अपेक्षा

दिवाळीचा सण नेहमीच गुंतवणूकदारांसाठी शुभ आणि लाभदायक मानला जातो. या दिवशी केलेले गुंतवणूक 'सौभाग्यशाली' ठरते, अशी धारणा आहे. बाजारातील तज्ज्ञांच्या मते, मुहूर्त ट्रेडिंगदरम्यान गुंतवणूकदार नवीन आर्थिक वर्षात स्थिरता आणि वाढीच्या अपेक्षेने बाजारात पाऊल टाकतील.