तुम्हाला माहितेय का? महाराष्ट्राची अर्थव्यवस्था पाकिस्तानपेक्षा मोठी!
नवी दिल्ली : जेवढे पाकिस्तानचे बजेट तेवढी पेन्शन भारत आपल्या निवृत्तीवेतन धारकांना वितरीत करतो ही बाब पुढे आली असतानाच आता महाराष्ट्राची अर्थव्यवस्था पाकिस्तानपेक्षा मोठी असल्याचे पुढे आले आहे.
विशेष म्हणजे भारतातील चार राज्यांचे सकल राज्य देशांतर्गत उत्पादन (जीएसडीपी) 20 लाख कोटी रुपयांपेक्षा जास्त आहे. पाकिस्तानची 338 अब्ज डॉलरच्या तुलनेत एकट्या महाराष्ट्राची अर्थव्यवस्था ४३९अब्ज डॉलर इतकी असून येथेही महाराष्ट्र आघाडीवर आहे.
महाराष्ट्र देशातही पहिला
जीडीपीचा विचार केल्यास महाराष्ट्रानंतर तामिळनाडू, उत्तर प्रदेश, कर्नाटक आणि गुजरातचा क्रमांक लागतो. याउलट ईशान्येकडील , मिझोराम या राज्याचा जीडीपी ०.३ लाख कोटी इतका आहे.
जीडीपीत महाराष्ट्राचे सर्वाधिक योगदान
आकडेवारीनुसार, 2023-24 मध्ये भारताच्या राष्ट्रीय जीडीपीमध्ये सर्वाधिक योगदान देणारा महाराष्ट्र असून 7.6 टक्क्यांनी वाढ होण्याची अपेक्षा आहे. महाराष्ट्राच्या ताज्या आर्थिक पाहणी अहवालानुसार, देशाच्या 7.6 टक्क्यांच्या अंदाजित विकास दराशी जुळतो.
राज्याच्या अर्थव्यवस्थेत 7.6 टक्के वाढीची अपेक्षा
उपमुख्यमंत्री अजित पवार यांनी 2023-24 ची आर्थिक पाहणी अहवाल पावसाळी अधिवेशनाच्या सुरुवातीच्या दिवशी सादर केला होता.राज्याच्या अर्थव्यवस्थेत 7.6 टक्के वाढ अपेक्षित आहे. मागच्या वर्षातील 6.8 टक्क्यांवरून ही वाढ झाली आहे.
आर्थिक सर्वेक्षणानुसार, 2023-24 साठी महाराष्ट्राचे सकल राज्य देशांतर्गत उत्पादन (GSDP) सध्याच्या किंमतींवर 40 लाख 44 हजार 251 कोटी रुपये आणि वास्तविक किमतीनुसार, 24 लाख 10 हजार 898 कोटी रुपये असा अंदाज आहे. जीएसडीपीच्या विशिष्ट कालावधीत, सामान्यत: एका आर्थिक वर्षात राज्याच्या सीमेमध्ये व्युत्पन्न झालेल्या एकूण आर्थिक उत्पादनाचे मोजमाप करते.
जीडीपीत महाराष्ट्राचा हिस्सा 13.9 टक्के
भारताच्या निव्वळ जीडीपीमध्ये महाराष्ट्राचा सर्वाधिक सरासरी हिस्सा 13.9 टक्के आहे. आर्थिक सर्वेक्षणानुसार 2022-23 या वर्षात राज्याचे दरडोई उत्पन्न 2 लाख 52 हजार 389 रुपये होते, जे मागील वर्षी 2 लाख 19 हजार 573 रुपये होते.
Click it and Unblock the Notifications
Sign in with Google