जुलैमध्ये बँक हॉलिडे: जुलैमध्ये भरपूर सुट्ट्या! इतके दिवस बँका बंद राहतील, ही यादी तत्काळ तपासा

मुंबई : जुलै 2024 मध्ये बँक सुट्ट्यांची यादी: जून महिना संपायला फक्त दोन दिवस उरले आहेत. त्यानंतर जुलै महिना सुरू होईल. जुलै महिन्यात बँकांना मोठ्या प्रमाणात सुट्या असणार आहेत.

पुढील महिन्यात शनिवार आणि रविवारच्या सुट्यांव्यतिरिक्त अनेक राज्यांमध्ये स्थानिक सणांमुळे बँकांना सुट्ट्या असतील. तुम्हाला पुढील महिन्यात बँकेशी संबंधित कोणतेही महत्त्वाचे काम करायचे असेल तर तुम्हाला नियोजन करावे लागेल. कारण बँकेच्या सुट्ट्यांमुळे तुम्हाला अडचणींचा सामना करावा लागू शकतो. अशा स्थितीत तुम्हाला बँकेचे काम तातडीने मार्गी लावावे लागेल.

रिझर्व्ह बँक ऑफ इंडियाच्या सुट्टीच्या यादीनुसार एकूण 12 दिवस सुट्या असतील. जुलै महिन्यात बँक कधी बंद राहणार हे आम्ही तुम्हाला सांगणार आहोत.

जुलैमध्ये या दिवशी बँक बंद राहणार आहे

बेह दिनखलामच्या निमित्ताने शिलाँगमध्ये 3 जुलै रोजी बँका बंद राहणार आहेत. यानंतर 6 जुलै रोजी एमएचआयपी दिनानिमित्त आयझॉलमध्ये बँका बंद राहतील. एवढेच नाही तर 7 जुलै रोजी रविवार असल्याने देशभरातील बँकांना सुट्टी असेल. ८ जुलै रोजी कांग रथयात्रेनिमित्त इंफाळमध्ये बँका बंद राहणार आहेत. 9 जुलै रोजी द्रुकपा त्से-जीच्या निमित्ताने गंगटोकमधील बँकांना सुटी असेल.

यानंतर 13 जुलै रोजी दुसरा शनिवार असल्याने देशभरातील बँका बंद राहणार आहेत. त्यानंतर रविवार 14 जुलैच्या सुट्टीमुळे देशभरातील बँका बंद राहणार आहेत. त्याचबरोबर 16 जुलै रोजी हरेलाच्या निमित्ताने डेहराडूनमधील बँकांना सुट्टी असेल. त्याच वेळी, 17 जुलै रोजी मोहरमच्या निमित्ताने अहमदाबाद, भुवनेश्वर, चंदीगड, गंगटोक, गुवाहाटी, इंफाळ, इटानगर, कोची, कोहिमा, पणजी आणि त्रिवेंद्रम वगळता संपूर्ण देशात बँका बंद राहतील. 21 जुलै रोजी रविवार असल्याने देशभरातील बँका बंद राहणार आहेत. 27 जुलैला चौथा शनिवार आणि 28 जुलैला रविवार असल्यामुळे देशभरातील बँकांना सुट्टी असेल. त्याचवेळी, आरबीआयच्या अधिकृत वेबसाइटवर दिलेल्या माहितीनुसार, जून महिन्यात बँका 10 दिवस बंद होत्या.

ऑनलाइन बँकिंग वापर करु शकता

बँक बंद असताना, तुम्ही ऑनलाइन बँकिंगच्या मदतीने अनेक कामे पूर्ण करू शकाल. मोबाईल बँकिंग आणि नेट बँकिंग सुविधा बँकेच्या सुट्ट्यांमध्ये कार्यरत राहतील. अशा परिस्थितीत तुम्हाला एका खात्यातून दुसऱ्या खात्यात पैसे ट्रान्सफर करण्यात कोणतीही अडचण येणार नाही. UPI सेवा बँकेच्या सुट्टीच्या दिवशीही चालणार आहे. यासोबतच खात्यातून पैसे काढण्यासाठी तुम्ही एटीएमचा वापर करू शकता.