ITR e filing fy 2024-25 : ऑनलाइन आयकर रिटर्न भरणे आहे खूप सोपे, समजून घ्या स्टेप बाय स्टेप प्रक्रिया

ITR e filing fy 2024-25 step by step process in marathi : आयकर परतावा म्हणजेच इनकम टॅक्स रिटर्न भरणे ही फारच क्लिस्ट आणि किचकट प्रक्रिया आहे असे अनेकांना वाटते. ती प्रक्रिया कधीच न करणारे तर अवघड आहे असे म्हणून दुसऱ्यांच्या भरवशावर राहतात, तर काही दुर्लक्ष करतात. यामुळे तु्म्हाला मोठा फटकाही बसू शकतो. थोडा विचार करुन माहिती घेतली तर आयकर भरणे तुम्ही समजता तेवढे अवघड नाही उलट सोपे आहे.

गुड रिटर्न्सने दिलेल्या वृत्तानुसार, आयकर रिटर्न (आयटीआर) भरण्याची शेवटची तारीख 31 जुलै 2025 आहे, जी 2025-26 (आर्थिक वर्ष 2024-25) कर निर्धारण वर्षासाठी आहे. आयकर विभागाने या महिन्याच्या सुरुवातीला रिटर्न भरण्यासाठी सर्व आयटीआर फॉर्म अधिसूचित केले होते. यासह, आयकर रिटर्न हंगाम सुरू झाला आहे. यामध्ये, अनेक कागदपत्रांची काळजी घेणे महत्वाचे आहे. यासोबतच तुम्हाला काही स्टेप बाय स्टेप प्रक्रिया पुर्ण करावी लागणार आहे.

जर तुम्ही तुमचा आयटीआर भरण्याची तयारी करत असाल, तर ही बातमी तुम्हाला तुमच्या कामात मोठी मदत करणारी ठरेल. यातून तुम्हाला ऑनलाइन आयटीआर कसा भरायचा हे समजेल.

कसा भरावा आयकर परतावा (आयटीआर रिटर्न)

स्टेप 1 - आयकर ई-फायलिंग वेबसाइटवर नोंदणी करा किंवा लॉग इन करा.

• जर तुम्ही आधीच नोंदणी केलेली असेल तर तुमचा युजर आयडी (जो तुमचा पॅन आहे), पासवर्ड आणि कॅप्चा कोड प्रविष्ट करून लॉग इन करा.
• जर तुम्ही नवीन वापरकर्ता असाल, तर 'नोंदणी करा' टॅबवर क्लिक करा आणि सूचनांचे पालन करून तुमची नोंदणी पूर्ण करा.

स्टेप 2 - 'फाइल इन्कम टॅक्स रिटर्न' पर्यायावर जा लॉग इन केल्यानंतर, डॅशबोर्ड तुमच्यासमोर उघडेल.

• 'e-File' मेनूवर क्लिक करा.
• ड्रॉपडाउन मेनूमधून 'Income Tax Returns' निवडा.
• नंतर 'File Income Tax Return' वर क्लिक करा.
• यामुळे रिटर्न भरण्याची प्रक्रिया सुरू होईल. त्यानंतर तुम्हाला इन्कम टॅक्स रिटर्न पेज रि-डायरेक्ट होईल, जिथे तुम्ही आवश्यक तपशील भरण्यास सुरुवात करू शकता.

स्टेप 3 - आवश्यक माहिती भरा

• या पेजवर, तुम्हाला तुमच्या रिटर्नशी संबंधित काही मूलभूत माहिती भरावी लागेल.
• असेसमेंट वर्ष निवडा: जर तुम्ही 2024-25 (FY 2024-25) आर्थिक वर्षासाठी रिटर्न भरत असाल, तर 'Assessment वर्ष 2025-26' निवडा.
• त्यानंतर फाइलिंगची पद्धत निवडा: 'ऑनलाइन' मोडमधून रिटर्न भरण्याचा पर्याय निवडा. त्यानंतर 'Continue' बटणावर क्लिक करा.

स्टेप 4 - फाइलिंग स्थिती निवडा

• आता तुम्हाला तुमची फाइलिंग श्रेणी निवडावी लागेल, जेणेकरून सिस्टम तुम्हाला योग्य आयटीआर फॉर्म दाखवू शकेल.
• उपलब्ध पर्यायांमधून योग्य पर्याय निवडा. वैयक्तिक, हिंदू अविभाजित कुटुंब (HUF) किंवा other पैकी योग्य पर्याय निवडा.
• जर तुम्ही पगारदार व्यक्ती किंवा फ्रीलांसर असाल तर वैयक्तिक पर्याय निवडा.
• जर तुम्ही हिंदू अविभाजित कुटुंबाअंतर्गत रिटर्न भरत असाल तर HUF निवडा.
• ट्रस्ट, कंपन्या किंवा फर्म सारख्या संस्था इतर अंतर्गत येतात. यानंतर 'चालू ठेवा' वर क्लिक करा.

स्टेप 5 -

आता तुम्हाला तुमच्या उत्पन्नाच्या प्रकार आणि फाइलिंग स्थितीनुसार योग्य आयटीआर फॉर्म निवडावा लागेल.

स्टेप 6 -

आयटीआर दाखल करण्याचे कारण निवडा. नंतर 'चालू ठेवा' वर क्लिक करा.

स्टेप 7 -

आधीच भरलेली माहिती पडताळून पहा आणि रिटर्न सबमिट करा.

स्टेप 8 -

• आयटीआर दाखल करण्याचा शेवटचा टप्पा म्हणजे- ई-व्हेरिफिकेशन. म्हणजेच, शेवटी तुम्हाला तुमचा आयकर रिटर्न भरल्याच्या तारखेपासून 30 दिवसांच्या आत पडताळणे अनिवार्य आहे.
• जर तुम्ही पडताळणी केली नाही तर तुम्ही आयटीआर दाखल केलेला नाही असे मानले जाईल.

आयकर रिटर्न (ITR) भरण्याची तारीख वाढली

आयकर रिटर्न (ITR) भरण्याची तारीख वाढवण्यात आली आहे. आयकर विभागाच्या केंद्रीय प्रत्यक्ष कर मंडळाने (CBDT) कर निर्धारण वर्ष 2025-26 साठी आयटीआर भरण्याची अंतिम तारीख 31 जुलै 2025 वरून 15 सप्टेंबर 2025 पर्यंत वाढवली आहे.

CBDT ने 27 मे 2025 रोजी जारी केलेल्या प्रेस रिलीजमध्ये म्हटले आहे की करदात्यांना रिटर्न भरणे सोपे करण्यासाठी आयटीआर फॉर्ममध्ये काही मोठे बदल करण्यात आले आहेत. या बदलांचा उद्देश प्रक्रिया सोपी करणे, पारदर्शकता वाढवणे आणि अहवाल सुधारणे आहे. यामुळे, करदात्यांना आता आणखी काही वेळ देण्यात आला आहे जेणेकरून ते नवीन प्रणाली समजून घेऊ शकतील आणि रिटर्न योग्यरित्या दाखल करू शकतील.