करदात्यांनो सावधान! 31 डिसेंबरपूर्वी 'हे' काम उरका, नाहीतर अडकेल रिफंड आणि बसेल 5 हजारांचा दंड

Income tax refund alert 31 december deadline : प्राप्तिकर भरणाऱ्या लाखो करदात्यांसाठी एक अत्यंत महत्त्वाची बातमी समोर आली आहे. जर तुम्ही अद्याप तुमचा इन्कम टॅक्स रिटर्न (ITR) दुरुस्त केला नसेल, तर तुमच्याकडे आता केवळ काही तास शिल्लक आहेत. ३१ डिसेंबर २०२५ ही सुधारित प्राप्तिकर विवरणपत्र (Revised ITR) भरण्याची अंतिम तारीख आहे. जर तुमच्या रिटर्नमध्ये काही त्रुटी असतील आणि तुम्ही त्या वेळेत सुधारल्या नाहीत, तर तुमचा रिफंड तर अडकेलच, पण तुम्हाला ५००० रुपयांपर्यंत दंडही सोसावा लागू शकतो.

रिफंड का रोखला जात आहे?

प्राप्तिकर विभागाकडून सध्या अनेक करदात्यांना ईमेल आणि SMS पाठवले जात आहेत. विभागानुसार, खालील कारणांमुळे रिफंड थांबवला जाऊ शकतो.

• चुकीचा फॉर्म: चुकीचा ITR फॉर्म निवडणे.
• माहितीतील तफावत: उत्पन्नाची माहिती अपूर्ण असणे किंवा वजावटीचा (Deduction) चुकीचा दावा करणे.
• डेटा मिसमॅच: बँक खाते किंवा आधार कार्डशी संबंधित माहितीमध्ये विसंगती असणे.

'रिवाईज्ड आयटीआर' (Revised ITR) म्हणजे काय?

जर तुम्ही आधी भरलेल्या अर्जात चुकून काही चुकीची माहिती दिली असेल, तर कायदा तुम्हाला ती सुधारण्याची संधी देतो. यालाच 'रिवाईज्ड आयटीआर' म्हणतात. याद्वारे तुम्ही: १. उत्पन्नाची योग्य माहिती देऊ शकता. २. चुकीची वजावट सुधारू शकता. ३. बदललेला बँक खाते क्रमांक अपडेट करू शकता.

डेडलाईन चुकली तर काय होईल?

• जर तुम्ही ३१ डिसेंबर २०२५ पर्यंत सुधारणा केली नाही, तर:
• रिफंड अडकणार: तुमचा प्राप्तिकर परतावा (Refund) मिळणार नाही.
• अपडेटेड रिटर्न (ITR-U): तुम्हाला 'अपडेटेड आयटीआर'चा पर्याय निवडावा लागेल, ज्यामध्ये अतिरिक्त दंड आणि व्याज भरावे लागते.
• दंड: विलंब शुल्कापोटी ५००० रुपयांपर्यंतचा दंड बसू शकतो.

रिवाईज्ड आयटीआर कसा दाखल करावा?

• इन्कम टॅक्सच्या अधिकृत पोर्टलवर लॉगिन करा.
• "File Income Tax Return" वर क्लिक करा.
• "Revised Return" हा पर्याय निवडा.
• जुन्या रिटर्नचा पोचपावती क्रमांक (Ack Number) आणि तारीख भरा.
• सर्व माहिती दुरुस्त करून ई-व्हेरिफिकेशन पूर्ण करा.
  

  इनकम टॅक्स रिफंड स्टेट्स कसे तपासायचे?

• पद्धत १: इन्कम टॅक्स ई-फायलिंग पोर्टलवरून (सर्वात खात्रीशीर)
• स्टेप १: इन्कम टॅक्स विभागाच्या अधिकृत वेबसाईटवर जा: www.incometax.gov.in
• स्टेप २: तुमच्या PAN (युजर आयडी) आणि पासवर्डचा वापर करून लॉगिन करा.
• स्टेप ३: लॉगिन झाल्यावर होमपेजवर 'e-File' या पर्यायावर क्लिक करा.
• स्टेप ४: त्यानंतर 'Income Tax Returns' वर जा आणि 'View Filed Returns' हा पर्याय निवडा.
• स्टेप ५: तुम्ही भरलेल्या टॅक्स रिटर्नची यादी दिसेल. तेथे ज्या आर्थिक वर्षाचा रिफंड हवा आहे, त्या वर्षाच्या समोरील 'View Details' वर क्लिक करा.
• स्टेप ६: येथे तुम्हाला रिफंडची सद्यस्थिती दिसेल (उदा. 'Refund Issued', 'Refund Failure' किंवा 'Processed').

पद्धत २: 'TIN-NSDL' (NSDL) पोर्टलवरून (पॅन कार्डद्वारे)

• स्टेप १: NSDL च्या रिफंड ट्रॅकिंग पेजवर जा.
• स्टेप २: तुमचा PAN नंबर टाका.
• स्टेप ३: योग्य ते Assessment Year निवडा (उदा. २०२५-२६).
• स्टेप ४: स्क्रीनवर दिसणारा 'कॅप्चा' (Captcha) कोड टाका आणि 'Proceed' वर क्लिक करा.
• स्टेप ५: तुमच्या स्क्रीनवर रिफंड स्टेटस दिसेल.