गौतम अदानी बनले भारतात सर्वात श्रीमंत! मुकेश अंबांनींना टाकले मागे, कैवल्य वोहरा सर्वात तरुण श्रीमंत

Hurun India Rich List 2024 : गौतम अदानी यांनी मुकेश अंबानी यांना श्रीमंतांच्या यादीत मागे टाकले आहे. 11.6 लाख कोटींच्या संपत्तीसह 2024 च्या हुरून इंडिया श्रीमंतांच्या यादीत अदानींनी अव्वल स्थान पटकावले आहे. भारतात गेल्या वर्षात दर 5 दिवसांनी एक नवीन अब्जाधीश बनला असं या यादीत नमूद केले आहे हे विशेष!

यासंदर्भात हुरुन इंडियाचे संस्थापक आणि मुख्य संशोधक अनस रहमान जुनैद म्हणाले, "भारत आशियातील संपत्ती निर्मिती इंजिन म्हणून उदयास येत आहे! चीनमध्ये अब्जाधीशांच्या संख्येत 25 टक्के घट झाली आहे, तर भारतात 29 टक्के वाढ झाली आहे. विक्रमी 334 अब्जाधीशांची संख्या गाठली आहे."

कैवल्य वोहरा तरुण अब्जाधीश

Hurun India Rich List 2024 च्या हुरुन इंडियाच्या श्रीमंतांच्या यादीतील सर्वात तरुण म्हणजे झेप्टोचे कैवल्य वोहरा (21) आणि त्यांचे सह-संस्थापक आदित पालिचा, 22, हे यादीतील दुसऱ्या क्रमांकावर आहेत.

Who Tops the 2024 Hurun India Rich List?

Gautam Adani leads the charge, followed by Mukesh Ambani and Shiv Nadar. But who else makes the top 10? Uncover the full lineup of India's wealthiest individuals and see how fortunes have shifted.

For the complete list and exclusive… pic.twitter.com/PDQKlXEtDH

— HURUN INDIA (@HurunReportInd) August 29, 2024

शाहरुख खानची एंट्री

आयपीएल संघ कोलकाता नाईट रायडर्समधील त्याच्या होल्डिंगच्या वाढत्या मूल्यामुळे या यादीत प्रथमच शाहरुख खानने पदार्पण केले. मनोरंजन उद्योगातील हुरुन इंडिया रिच लिस्टर्सने फक्त एका वर्षात सात नवीन प्रवेशकर्त्यांसह 40,500 कोटींची भर घातली आहे.

अंबानी समूह 25.75 लाख कोटी रुपयांच्या व्यवसायासह देशातील सर्वात मौल्यवान समूह व्यवसायिक बनला आहे, असेही त्यात म्हटले आहे. बजाज समूह 7.13 लाख कोटींसह दुसऱ्या क्रमांकावर आहे, तर बिर्ला समूह 5.39 लाख कोटींसह तिसऱ्या क्रमांकावर आहे. अदानी समुहाचे मूल्य या यादीत 15.44 लाख कोटी इतके आहे, परंतु प्रथम पिढी असल्याने ते मुख्य यादीत नाही.

अदानींच्या पहिल्या पिढीच्या कुटुंबांच्या यादीत पहिल्या पिढीतील सक्रिय दुस-या पिढीचे नेते आहेत आणि सिरमचे पूनावाला कुटुंब 2.37 लाख कोटी मूल्याच्या व्यवसायासह त्यांचे अनुकरण करतेय.