हिंडेनबर्ग विरुद्ध अदानी ग्रुप! लाचखोरीच्या आरोपानंतर अदानी ग्रुपचे कोणकोणत शेअर्स कोसळले! वाचा

Hindenburg vs Adani Group : अदानी ग्रुपचे संस्थापक गौतम अदानी यांच्यावर अमेरिकेत फसवणूक आणि लाचखोरीचा आरोप झाला. हे वृ्त्त धडकताच त्यानंतर अदानी समूहाच्या सर्व कंपन्यांचे शेअर्स कोसळले. अदानी एंटरप्रायझेसच्या शेअर्समध्ये 20 टक्क्यांची घसरण झाली आहे. अदानी एंटरप्रायझेसचा शेअर 564 अंकांनी घसरून 2257.15 वर आला आहे.

अमेरिकन शॉर्ट सेलर कंपनी हिंडेनबर्ग रिसर्चने अदानी समूहाबाबत एक नवीन अहवाल प्रसिद्ध केला आहे, ज्यामध्ये त्यांनी बाजार नियामक SEBI चेअरपर्सनवरही मोठे आरोप केले आहेत. माधबी पुरी बुच आणि त्यांचे पती धवल बुच यांनी अदानी समूहाशी संलग्न असलेल्या ऑफशोअर फंडात गुंतवणूक केल्याचा दावा करण्यात आला होता.

मॉरिशस आणि ऑफशोअर शेल फर्म्सच्या अदानीच्या कथित नेटवर्कच्या तपासात उघडपणे उदासीनता दाखवल्याबद्दल या अहवालात सेबीवर टीका करण्यात आली आहे. यानंतर, सोमवारी बाजार उघडला तेव्हा, अदानी समूहाच्या शेअर्समध्ये सुरुवातीच्या व्यवहारात घसरण होत होती.

अदानी समूहाच्या समभागांची स्थिती काय आहे?

• शेअर्सची घसरण/अप
• अदानी एंटरप्रायझेस 3.9%
• अदानी पोर्ट्स 2.8%
• अदानी पॉवर 4.5%
• अदानी एनर्जी 3.1%
• अदानी ग्रीन 3.6%
• अदानी टोटल 5.8%
• अदानी विल्मार 3.6%
• NDTV 3%
• अल्ट्राटेक सिमेंट 0.35%

अदानी एंटरप्रायझेसचे समभाग 20 टक्क्यांनी घसरल्यानंतर लोअर सर्किटला आले आहेत. अदानी समूहाशी निगडित प्रत्येक कंपनीच्या शेअर्सची अवस्था जवळपास अशीच आहे. अदानी सोल्युशन, अदानी पॉवर, अदानी ग्रीन, अदानी पोर्ट या सर्व समभागांमध्ये 15 टक्क्यांहून अधिक घसरण झाली आहे.

गुंतवणूकदारांमध्ये खळबळ

अमेरिकेत ज्या प्रकारे गौतम अदानीबद्दलच्या बातम्या आल्या, त्यानंतर समूहाच्या शेअर्सची प्रचंड विक्री झाली, गुंतवणूकदारांमध्ये खळबळ उडाली. अदानी पॉवरच्या शेअर्सबद्दल बोलायचे तर त्यात 13 टक्क्यांची घसरण दिसून आली आहे. अदानी पॉवरचा शेअर 68 अंकांच्या घसरणीसह 454 वर व्यवहार करत आहे. त्याच वेळी, अदानी सोल्यूशनच्या शेअर्समध्ये 19.99 टक्क्यांची घसरण झाली आहे. यामध्येही लोअर सर्किट असून हा शेअर 697 वर व्यवहार करत आहे.

अदानी ग्रीनचे शेअर्स 19 टक्क्यांनी घसरले

अदानी पोर्टच्या समभागांबद्दल बोलायचे झाले तर ते 20 टक्क्यांच्या घसरणीसह लोअर सर्किटला आले आहे. हा शेअर 257 अंकांच्या घसरणीसह 1031.70 वर व्यवहार करत आहे. अदानी ग्रीनचे शेअर्स 19 टक्क्यांनी घसरले आहेत. हा शेअर 266 अंकांच्या घसरणीसह 1145 वर व्यवहार करत आहे. त्याचवेळी शेअर बाजारात आज घसरण पाहायला मिळत आहे. सेन्सेक्स 522.80 अंकांनी घसरून 77,055.58 वर आला, 0.67 टक्क्यांची घसरण दर्शवित आहे. त्याच वेळी, निफ्टीमध्ये 200.30 अंकांची घसरण दिसून आली, जी 23,318.20 वर बंद झाली, जी 0.85 टक्क्यांची घसरण दर्शवते.

काय आहे प्रकरण?

भारतात सौरऊर्जेचे कंत्राट मिळवण्यासाठी $250 दशलक्ष लाचखोरी योजनेत सहभागी असल्याचा आरोप अदानीवर आहे. त्याप्रकरणी अमेरिकेत अदानी अडचणीत सापडले आहेत. या बातमीनंतर, अदानी एंटरप्रायझेस, अदानी ग्रीन एनर्जी आणि अदानी एनर्जी सोल्युशन्स या समूहाच्या समभागांच्या किमती आज 21 नोव्हेंबर रोजी सुरुवातीच्या व्यवहारात 10% ते 20% पर्यंत घसरल्या आहेत. शेअर बाजार उघडताच अदानी समूहाच्या शेअर्समध्ये मोठी घसरण झाली. शेअर्समध्ये 10 ते 20 टक्क्यांची घसरण नोंदवली जात आहे. समुहाचे संस्थापक गौतम अदानी यांच्यावर अमेरिकन वकिलांनी लावलेल्या आरोपांचा परिणाम शेअर्समध्ये तीव्र सुधारणा आहे.