Gold Rate : अमेरिकेत मंदीची शक्यता वाढली, सोन्याच्या भावात तेजी, एक लाखाचा टप्पा ओलांडला!

अमेरिकेचे राष्ट्राध्यक्ष डोनाल्ड ट्रम्प यांनी अमेरिकेत मंदीची शक्यता व्यक्त केल्याने जागतिक आर्थिक बाजारात खळबळ उडाली आहे. डोनाल्ड ट्रम्प यांनी 21 एप्रिल 2025 रोजी अमेरिकेच्या अर्थव्यवस्थेवर भाष्य करताना म्हणाले की, फेडरल रिझर्व्ह जर व्याजदर कमी करत नसेल तर अमेरिकेत मंदी येण्याची शक्यता आहे. ट्रम्प यांनी फेडरल चेअरमनवर टीका करताना सध्याच्या टॅरिफ धोरणांमुळे अर्थव्यवस्थेवर दबाव वाढला असल्याचे म्हटले.

काय आहेत सोन्याचे भाव

याच पार्श्वभूमीवर सोन्याच्या किमतींमध्ये झालेली तेजी गुंतवणूकदारांसाठी चर्चेचा विषय बनली आहे. 22 एप्रिल 2025 रोजी मल्टी कमोडिटी एक्सचेंज (MCX) वर सोन्याची किंमत 10 ग्रॅमसाठी जवळपास 1 लाख रुपये रुपयाच्या घरात पोहोचली आहे. 22 एप्रिल रोजी एमसीएक्सवर सोन्याची किंमत 1,700 रुपयांनी वाढून 99,178 रुपये प्रति 10 ग्रॅमवर पोहोचली, जो आतापर्यंतचा सर्वोच्च भाव आहे. जर आपण त्यात 3% जीएसटी आणि मेकिंग चार्जेस जोडले तर देशांतर्गत बाजारात 10 ग्रॅम सोन्याची किंमत 1 लाख रुपयांपेक्षा जास्त होते.

या वाढीमागे अमेरिकेतील मंदीची भीती आणि जागतिक व्यापारातील अनिश्चितता हे प्रमुख कारणे आहेत. गेल्या सहा दिवसांत सोन्याची किंमत 6,000 रुपयांनी वाढली असून 14 एप्रिल रोजी 93,252 रुपये असलेली किंमत आता 99,178 रुपये प्रति 10 ग्रॅमवर पोहोचली आहे.

ट्रम्प यांनी अमेरिकेत मंदीची शक्यता व्यक्त केल्यानंतर फेडरल रिझर्व्हने आपले धोरण कायम ठेवण्याचा निर्णय घेतला आहे, ज्यामुळे बाजारात चिंता वाढली आहे. ट्रम्प यांनी सांगितले की, जर व्याजदर कमी न झाल्यास अर्थव्यवस्थेला मोठा धक्का बसू शकतो. त्यांच्या या विधानाने अमेरिकन डॉलरच्या मूल्यावर परिणाम झाला असून डॉलर इंडेक्समध्ये घसरण झाल्याने सोन्याच्या किमती वाढत आहेत.

ट्रम्प यांनी गेल्या काही महिन्यांत टॅरिफ धोरणांवर भर दिला असून यामुळे अमेरिका आणि चीन यांच्यातील व्यापार तणाव वाढला आहे. या अनिश्चिततेमुळे गुंतवणूकदारांनी सोने आणि इतर सुरक्षित मालमत्तांमध्ये गुंतवणूक वाढवली आहे, ज्यामुळे सोन्याच्या मागणीत वाढ झाली आहे. अश्या परिस्थिती सोने 1 लाख रुपये प्रति 10 ग्रॅमच्या दिशेने नेण्याची शक्यता आहे.

सोन्याच्या किमतींमागील कारणे

सोन्याच्या किमतींमधील या वाढीमागे अनेक जागतिक आणि स्थानिक कारणे आहेत. मागील दोन दिवसांत सोन्याची किंमत 3,924 रुपये वाढली असून गेल्या सहा दिवसांत 5,926 रुपयांची वाढ नोंदवली गेली आहे. हे वाढीचे प्रमाण अमेरिकेतील मंदीच्या भीती, जागतिक व्यापारातील तणाव आणि चलनमूल्याच्या अस्थिरतेमुळे आहे. ट्रम्प यांच्या टॅरिफ धोरणांनी जागतिक अर्थव्यवस्थेत अनिश्चितता निर्माण केली आहे, ज्यामुळे गुंतवणूकदार सोन्याकडे वळले आहे. याशिवाय, मध्य-पूर्वेतील भू-राजनीतिक तणाव आणि रशिया-युक्रेन यांच्यातील संघर्षामुळेही सोन्याच्या मागणीत वाढ झाली आहे.

भारतीय बाजारावरील प्रभाव

भारतात सोन्याच्या किमतींमध्ये झालेली वाढ गुंतवणूकदार आणि ग्राहकांसाठी महत्त्वाची ठरली आहे. 22 एप्रिल रोजी एमसीएक्सवर सोन्याची किंमत 99,178 रुपये प्रति 10 ग्रॅमवर पोहोचली असून ही किंमत 1 लाखच्या घरात पोहोचली आहे. घरगुती बाजारातही सोन्याची किंमत 90,000 रुपयांच्या पुढे गेली आहे, ज्यामुळे आभूषण खरेदीवर परिणाम होण्याची शक्यता आहे.

भारतीय चलनाच्या मूल्यातील घसरण आणि जागतिक बाजारातील हालचाली यामुळे सोन्याच्या किमती वाढल्या आहेत. इंडियन बुलियन ज्वेलर्स असोसिएशननुसार 24 कॅरेट सोन्याची किंमत 90,160 रुपये प्रति 10 ग्रॅम आहे तर 22 कॅरेट सोन्याची किंमत 88,000 रुपये आहे. हे दर मेकिंग चार्ज आणि जीएसटीशिवाय आहेत, ज्यामुळे अंतिम किंमत आणखी वाढू शकते.

जागतिक बाजारातील परिस्थिती

सोन्याच्या किमतींमधील वाढ फक्त भारतापुरती मर्यादित नाही तर जागतिक स्तरावरही ती दिसून येत आहे. न्यूयॉर्क आणि इतर आंतरराष्ट्रीय बाजारात सोन्याची किंमत वाढत आहे. ट्रम्प यांच्या टॅरिफ धोरणांमुळे अमेरिका आणि चीन यांच्यातील तणाव वाढला असून, याचा परिणाम सोन्याच्या मागणीवर झाला आहे.