सोन्याचे भाव 38 टक्क्यांनी घसरणार? आगामी वर्षात दर आवाक्यात येऊ शकतात! बाजार विश्लेषकांचा अंदाज

Gold prices to fall by 38 percent market analysts predict : सोने हे प्रत्येकाच्या पसंतीचा आणि रुचीचा विषय आहे, महिला वर्गात तर सोन्याच्या दागिन्यांची प्रचंड क्रेझ आहे. ही आवड सोने खरेदीपर्यंत पोहचवते पण सोने खरेदीपुर्वी त्याचे भाव जाणून घेणे तितकेच महत्वाचे असते. अलिकडे सोन्याने उच्चांक गाठला तो विक्रमी आहे; हा गुंतवणूकदारांसाठी वरदान ठरला आहे पण दागिने खरेदी करणाऱ्या ग्राहकांसाठी तो फारच अडचण आहे.

तूर्त बाजार विश्लेषकांनी सोने खरेदीदारांसाठी एक गोड बातमी आणली आहे. बाजार विश्लेषक, तज्ज्ञ सूचित करतात की, सोन्याच्या दरात लक्षणीय मंदी येऊ असू शकते आणि ही गोष्ट संभाव्यतः खरेदीदारांना दिलासा देणारी ठरू शकते. जवळपास सोन्याच्या किमतीत 38 टक्क्यांपर्यंत घसरण होण्याचा अंदाज हे विश्लेषक वर्तवतात, यामुळे जगभरातील गुंतवणुकीच्या धोरणांना नवा आकार मिळू शकतो.

वाचा सोन्याच्या दराचा हा अंदाज

जॉन मिल्स, यूएस-आधारित वित्तीय सेवा फर्म मॉर्निंगस्टारचे मार्केट स्ट्रॅटेजिस्ट, सोन्याचा भाव प्रति औंस $1,820 पर्यंत घसरण्याची शक्यता आहे, जे त्याच्या सध्याच्या अंदाजे $3,080 प्रति औंसच्या किमतीच्या अगदी उलट आहे. म्हणजेच जवळपास 38 टक्के सोन्याच्या दरात कपातीची शक्यता सांगितली जाते. म्हणजेच ही जर परिस्थिती आली तर सोन्याच्या बाजारपेठेत मोठा उलटफेर होऊ शकतो.

जगात युद्धजन्य स्थिती, आर्थिक अस्थिरता आणि चलनवाढीची चिंता या सर्व गोष्टी सोन्यावर परिणामकारक ठरत आहेत. अमेरिकन अर्थव्यवस्था आणि जागतिक बाजारपेठेतील चढउतारांच्या भीतीने गुंतवणूकदारांनी सोन्याला एक सुरक्षित गुंतवणूक म्हणून पसंती दिली आहे. अमेरिकेचे माजी राष्ट्राध्यक्ष डोनाल्ड ट्रम्प यांच्या कारकिर्दीत सुरू झालेल्या व्यापारातील तणावामुळे या चिंता वाढल्या आणि सोन्याच्या मागणीत आणखी वाढ झाली, असे म्हटले जाते.

.. म्हणून किमती कमी होऊ शकतात

सोन्याची मागणी अलिकडे वाढली असली तरीही सोन्याचा जागतिक पुरवठा झपाट्याने वाढत आहे हे विशेष म्हणजे सोन्याची टंचाई नाहीच..2024 च्या दुस-या तिमाहीत सोन्याच्या खाणीचा नफा प्रति औंस $950 पर्यंत पोहोचला, जो वर्षांतील त्यांची सर्वोच्च आहे. यामुळे जागतिक सोन्याचा साठा 9 टक्क्यांनी वाढला आहे. पहिली गोष्ट सोन्याच्या पुनर्वापरात वाढ आणि आस्ट्रेलियाने सोन्याचे उत्पादन वाढवले या दोन गोष्टी अशा आहेत ज्यामुळे सोन्याच्या किमती कमी होऊ शकतात.

सोन्याची मागणी घटू शकते...

काही बँका आणि गुंतवणूकदार सोने विकत घेण्याचा सपाटा लावत आहेत, पण कल टिकणार नाही. सोने गुंतवणूक ही जरी भविष्यकालीन नफा देणारी गोष्ट असली तरीही वर्ल्ड गोल्ड कौन्सिलच्या सर्वेक्षणात असे आढळून आले आहे की 71 टक्के मध्यवर्ती बँका त्यांच्या सोन्याचे होल्डिंग वाढवण्याऐवजी कमी करणे किंवा राखणे अपेक्षित आहे.

सोन्यात मंदी येऊ शकते का?

एका अहवालानुसार, 2024 मध्ये, सोन्याच्या क्षेत्रातील डीलमेकिंगमध्ये 32 टक्के वाढ झाली. तर दुसरीकडे सोन्याचे-बॅक्ड एक्स्चेंज-ट्रेडेड फंड गुंतवणुकीतील अलीकडील वाढ, वाढत्या किंमती सुधारणांपूर्वी पाहिल्या गेलेल्या पूर्वीच्या सॅम्पलसारखी आहे, ज्यामुळे मंदी येऊ शकते..ही गोष्ट सोने भाव कमी होण्यास बळ मिळते.

आज 3 मार्च 2025 चे सोन्याचे भाव काय?

सध्या देशातील सर्व शहरांमध्ये 24 कॅरेट सोन्याचा प्रति 10 ग्रॅमचा भाव सुमारे 92 हजार रुपये आहे. जर आपण दागिने खरेदी करणाऱ्यांबद्दल बोललो तर 22 कॅरेट सोन्याची प्रति 10 ग्रॅम किंमत 82 हजार रुपयांपेक्षा जास्त आहे.

आज 3 मार्च 2025 चे चांदीचे भाव काय?

चांदीचे दरही सोन्यासारखेच सातत्याने वाढत आले आहेत, पण चांदीच्या दरातही आज घट झाली आहे. सध्या देशात एक किलो चांदीची किंमत 1,04,900 रुपये प्रति किलोग्राम एवढी आहे.