कामाची माहिती: 5 ग्रॅम सोन्यावर किती कर्ज मिळू शकते?

Gold loan calculator : दैंनदिन आयुष्यात कधी कोणत्याही वेळी पैश्यांची गरज भासू शकते. त्यासाठी लोक बँका आणि विविध फायनान्स कंपनी मदत घेत आहेत. या पर्यायांमध्ये, लोक आता गोल्ड लोनचीही मदत घेत आहेत. गोल्ड लोन हे सुरक्षित कर्जांच्या यादीत गणले जाते. येथे तुम्ही तुमचे सोन्याचे दागिने गहाण ठेवून तुमच्या गरजेनुसार पैसे उधार घेऊ शकता. सोन्याच्या गुणवत्तेनुसार आणि प्रमाणानुसार सोन्याच्या कर्जाची रक्कम ठरवली जाते.

सोने कर्ज देखील निश्चित व्याजदर आणि कालावधीवर दिले जाते. पण तुम्हाला माहिती आहे का 5 ग्रॅम सोन्यावर तुम्हाला किती सोन्याचे कर्ज मिळू शकते. ज्याची रक्कम सोन्याच्या शुद्धता आणि बाजारभावावर अवलंबून आहे. आजच्या घडीला बँक आणि फायनान्स कंपन्या ग्राहकांना सोन्याच्या मूल्याच्या 75% ते 90% पर्यंत कर्ज देतात. गोल्ड लोन कॅल्क्युलेटरच्या मदतीने तुम्ही तुमच्या सोन्यावर किती कर्ज मिळू शकते हे सहज समजून घेऊ शकता.

गोल्ड लोन म्हणजे काय आणि त्याचे फायदे

गोल्ड लोन हे बँक आणि गैर-बँकिंग वित्तीय कंपन्या (NBFC) कडून सोने ठेवून घेतले जाते आणि त्यावर कर्ज दिले जाते. हे कर्ज घेण्यासाठी कोणत्याही कागदपत्रांची गरज कमी असते आणि मंजुरीची प्रक्रिया जलद असते. गोल्ड लोनचा सर्वात मोठा फायदा म्हणजे इतर कर्जांच्या तुलनेत व्याजदर कमी असते, ज्यामुळे ते परवडणारे ठरते. शिवाय, कर्जाची रक्कम सोन्याच्या वजन आणि शुद्धतेवर अवलंबून असते, ज्यामुळे ग्राहकांना त्यांच्या गरजेनुसार फायदा मिळतो.

5 ग्रॅम सोन्यासारखी लहान रक्कम असलेल्या सोन्यावरही कर्ज मिळू शकते, जे इमर्जन्सी आर्थिक गरजांसाठी उपयुक्त आहे. उदाहरणार्थ, वैद्यकीय खर्च, शिक्षण शुल्क किंवा छोट्या व्यवसायाच्या गरजा भागवण्यासाठी हे कर्ज सोयीस्कर ठरते. परंतु, कर्जाची रक्कम किती मिळेल हे सोन्याच्या शुद्धता आणि बाजारभावावर ठरते, ज्याची गणना गोल्ड लोन कॅल्क्युलेटरने करता येते.

5 ग्रॅम सोन्यावर कर्जाची गणना

सोन्याच्या किमती आणि शुद्धतेच्या आधारावर 5 ग्रॅम सोन्यावर किती कर्ज मिळू शकते याची गणना खालीलप्रमाणे केली जाते. 25 एप्रिल 2025 च्या आकडेवारीनुसार सोन्याचे दर आणि लोन-टू-व्हॅल्यू (LTV) गुणोत्तर (75% ते 90%) विचारात घेऊन खालीलप्रमाणे रक्कम मिळू शकते:

24 कॅरेट सोने: जर 5 ग्रॅम 24 कॅरेट सोन्याचे बाजारभाव प्रति ग्रॅम 6,070 रुपये भाव असेल तर एकूण मूल्य 5 x 6,070 = 30,350 रुपये होते. LTV 75% असल्यास कर्जाची रक्कम 22,762 रुपये आणि 90% असल्यास 27,315 रुपये मिळू शकते.

22 कॅरेट सोने: 22 कॅरेट सोन्याचे प्रति ग्रॅम भाव 5,564 रुपये भाव असल्यास एकूण मूल्य 5 x 5,564 = 27,820 रुपये होते. LTV 75% असल्यास 20,865 रुपये आणि 90% असल्यास 25,038 रुपये कर्ज मिळू शकते.

20 कॅरेट सोने: 20 कॅरेट सोन्याचे प्रति ग्रॅम भाव 5,058 रुपये भाव असल्यास एकूण मूल्य 5 x 5,058 = 25,290 रुपये होते. LTV 75% असल्यास 18,967 रुपये आणि 90% असल्यास 22,761 रुपये कर्ज मिळू शकते.

18 कॅरेट सोने: 18 कॅरेट सोन्याचे प्रति ग्रॅम भाव 4,552 रुपये भाव असल्यास एकूण मूल्य 5 x 4,552 = 22,760 रुपये होते. LTV 75% असल्यास 17,070 रुपये आणि 90% असल्यास 20,484 रुपये कर्ज मिळू शकते.

काही बँका आणि फायनान्स कंपन्या LTV गुणोत्तर 75% ते 90% दरम्यान ठरवतात परंतु ही रक्कम बाजारभावात होणाऱ्या बदलांमुळे थोडी बदलू शकते. त्यामुळे कर्ज मिळण्यापूर्वी सध्याचा सोन्याचा भाव आणि लोन ऑफर तपासणे आवश्यक आहे.