PF वर मिळणार जास्त interest, 1 लाख जमा असल्यास किती मिळेल व्याज? तुमच्या PF खात्याचे गणित समजून घ्या

EPFO Employees will get higher interest on PF : पीएफ हा नोकरदारांसाठी मोठा आधार आहे. पीएफची रक्कम अडीअडचण व आणीबाणीच्या काळात वापरता येते. ती रक्कम हक्काची तर आहेच, नोकरदाराचा मृत्यू झाला तर त्याच्या कुटुंबियांसाठी ही रक्कम मोठा आधारस्तंभ ठरते. अलिकडेच कोट्यवधी पीएफ धारकांसाठी आनंदाची बातमी आली आहे. अर्थ मंत्रालयाने कर्मचारी भविष्य निर्वाह निधी संघटने (EPFO) अंतर्गत भविष्य निर्वाह निधी (PF) खात्यात जमा केलेल्या रकमेवर २०२४-२५ या आर्थिक वर्षासाठी ८.२५ टक्के व्याजदर मंजूर केला आहे. या निर्णयाचा देशातील ७ कोटींहून अधिक कर्मचाऱ्यांना थेट फायदा होणार आहे.

लवकरच व्याजाची रक्कम त्यांच्या PF खात्यात हस्तांतरित केली जाणार आहे. विशेष बाब म्हणजे यंदाचे सलग दुसरे वर्ष आहे, या वर्षात व्याजदर ८.२५ टक्क्यांवर स्थिर ठेवण्यात आला आहे.

पीएफ रकमेवर तुम्हाला किती व्याज मिळेल?

अनेकदा पीएफ खात्यातील रकमेवर किती व्याज मिळते व ते कसे आणि कुठे मिळते हे समजत नाही,तशी अनेकजण या माहितीबाबत निरूत्साहीही असतात, पीएफ कसा काढायचा हेही माहित नसते. ती प्रक्रीया नंतरची परंतु आपल्या खात्यात रक्कम किती आहे आणि त्यावर व्याज किती मिळते हे प्रत्येकाने वेळोवेळी माहिती करुन घेणे गरजेचे असते. तुमच्या पीएफ खात्यातील रकमेवर सद्यस्थितीत ८.२५% व्याज मिळते. आता आपण तुमच्या PF खात्यातील रक्कमेवर किती व्याज मिळते याचे गणित काही उदाहरणांसह हे समजून घेऊया...

• तुमच्या EPF खात्यात २०२४-२५ या आर्थिक वर्षाच्या सुरुवातीला (म्हणजे १ एप्रिल २०२४ रोजी ओपनिंग बॅलन्स म्हणून) १ लाख रुपये जमा झाले असतील, तर ८.२५% वार्षिक व्याजदराने तुम्हाला त्यावर ८,२५० रुपये व्याज मिळेल.
• जर तुमच्या PF खात्यात १ एप्रिल २०२४ पर्यंत एकूण २ लाख रुपये जमा झाले असतील, तर ८.२५% व्याजदराने तुम्हाला या आर्थिक वर्षासाठी १६,५०० रुपये व्याज मिळेल.
• जर तुमच्या पीएफ खात्यात ₹ ३ लाख जमा असतील तर ₹ २४,७५० पीएफपोटी व्याज जमा होईल.
• जर तुमच्या पीएफ खात्यात ₹ ५ लाख जमा असतील तर ₹ ४१,२५० पीएफपोटी व्याज जमा होईल.
• जर तुमच्या पीएफ खात्यात ₹ १० लाख जमा असतील तर लाख ₹ ८२,५०० पीएफपोटी व्याज जमा होईल.

तुमच्या पीएफ खात्यात पैसे कसे जमा केले जातात आणि व्याज प्रत्यक्षात कसे मोजले जाते हे समजून घेणे महत्त्वाचे आहे. ईपीएफओ कायद्याच्या नियमांनुसार, तुमच्या मूळ पगाराच्या १२% आणि महागाई भत्ता (डीए) तुमच्या पीएफ खात्यात जमा केला जातो. तुमची कंपनी (नियोक्ता) देखील तुमच्यासाठी तीच रक्कम, म्हणजेच तुमच्या मूळ पगाराच्या १२% + डीएचे योगदान देते.

कर्मचाऱ्यांची संपूर्ण १२% रक्कम पीएफमध्ये जाते. कंपनीच्या १२% योगदानापैकी ३.६७% पीएफ खात्यात जाते आणि उर्वरित ८.३३% रक्कम कर्मचारी पेन्शन योजनेत (ईपीएस) जमा केली जाते. व्याज दरमहा ईपीएफ खात्यात जमा केलेल्या पैशाच्या आधारावर मोजले जाते, म्हणजेच मासिक चालू शिल्लक, परंतु ते वर्षाच्या शेवटी जमा केले जाते. ईपीएफओच्या नियमांनुसार, जर चालू आर्थिक वर्षाच्या शेवटच्या तारखेला शिल्लक रकमेतून कोणतीही रक्कम काढली गेली असेल, तर ती वजा करून १२ महिन्यांचे व्याज मोजले जाते.

ईपीएफओ नेहमीच खात्याचा ओपनिंग आणि क्लोजिंग बॅलन्स घेते. हे मोजण्यासाठी, मासिक चालू शिल्लक जोडली जाते आणि व्याजदर/१२०० ने गुणाकार केला जातो. सहसा खातेधारकांचा असा विश्वास असतो की भविष्य निर्वाह निधीमध्ये जमा केलेल्या संपूर्ण रकमेवर व्याज मिळते. परंतु, असे नाही. ईपीएफ खात्यातील पेन्शन फंडात (ईपीएस) जाणाऱ्या रकमेवर कोणतेही व्याज मोजले जात नाही.