दिवाळीत डिस्काउंटच्या फंदात पडू नका, बनावट साइट्सवर बसेल गंडा, सुरक्षित ऑनलाइन शॉपिंग कशी कराल? वाचा

Don't Fall Into Diwali Discount Trap : आजकाल प्रत्येकाला घरी बसून ऑनलाइन शॉपिंग करायला आवडते. यामुळे केवळ वेळेची बचत होत नाही तर सवलतीत वस्तू मिळवणे देखील सोपे होते. दिवाळिीच्या घाईगडबडीत प्रत्येकवेळी दुकानवर जाणे शक्य नसते म्हणून काहीजण ऑनलाईन खरेदीला पसंती देतात तर काही अनेक वेबसाईटवर खरेदीसाठी प्रयत्न करतात अशावेळी अनेक ऑफर्स आणि डिस्काऊंटचे आमिष दाखवले जाते, अशावेळी काही खबरदारी घेण्याची गरज आहे.

तुम्हाला घरी बसून ऑनलाइन शॉपिंग करायला आवडत असलं तरी खरेदी करताना काही खबरदारी घ्यायलाच हवी. ऑनलाइन विक्री सुरू होताच, स्कॅमर देखील सक्रिय होतात आणि तुमच्याकडून एक छोटीशी चूक तुमचे बँक खाते देखील रिकामी करू शकते. सणासुदीच्या काळात ऑनलाइन शॉपिंग करताना तुम्हीही काही महत्त्वाच्या गोष्टी लक्षात ठेवल्या, तर तुम्ही घोटाळेबाजांच्या जाळ्यात येण्यापासून वाचू शकता.

बनावट साइट्स टाळा

घोटाळेबाज अतिशय हुशारीने एक डमी साइट डिझाइन करतात, जी अगदी मूळ साइटसारखीच दिसते. साइट तयार केल्यानंतर, ते लोकांची फसवणूक करण्यासाठी मोठ्या सवलती देतात. मग जेव्हा तुम्ही घोटाळ्यांच्या सापळ्यात पडता आणि वस्तू खरेदी करण्यासाठी पैसे भरता तेव्हा तुमची फसवणूक होते आणि तुमचा खूप मोठा पैसा जातो.

अशी करा पडताळणी

तुम्ही कोणत्याही साइटवरून खरेदी करणार आहात, त्या साइटची URL आधी तपासा.
वेबसाईटच्या नावामध्ये कोणतेही अतिरिक्त शब्द जोडून साइट तयार केलेली नाही हे पाहण्यासाठी तुम्ही URL तपासा.
अनेक वेळा साइड इफेक्ट्समुळे आपण URL वर लक्ष केंद्रित करत नाही, परंतु ऑनलाइन खरेदी करताना आपण नेहमी URL कडे लक्ष दिले पाहिजे.

फॉरवर्ड केलेल्या लिंक

विक्री सुरू होताच, स्वस्त आणि बंपर सवलतीच्या उत्पादनांच्या फॉरवर्ड केलेल्या लिंक सोशल मीडियावर फिरू लागतात. तुमच्या एका मित्राने एक उत्पादन पाहिले जे अगदी कमी किमतीत उपलब्ध होते आणि त्याने ती लिंक तुम्हालाही फॉरवर्ड केली. अशी एक लिंक सगळीकडे फिरत राहते आणि लोक त्यावर विश्वास ठेवतात आणि शॉपिंग करतात आणि त्यांची बँक खाती रिकामी करतात.

एक खबरदारी तुमचे लाखो रुपये वाचवू शकते

लक्षात घ्या की दिवाळीत डिस्काउंटच्या फंदात पडू नका, बनावट साइट्सवर तुम्हाला गंडा बसू शकतो. कारण प्रत्येकवेळी लिंक फेक असतेच असे नाही पण लिंकवर क्लिक करण्यापूर्वी त्याची पूर्ण पडताळणी करा. कारण तुमची खबरदारी तुम्हाला खूप मोठे नुकसान होण्यापासून वाचवू शकते.