Budget 2025 : महिलांना आता स्वस्तात व्यावसायिक कर्ज, गरोदर महिलांनाही मिळणार सरकारी आधार!

Budget 2025 Women : केंद्रीय अर्थमंत्री निर्मला सीतारामन यांनी देशाचा 2025-26 चा सर्वसाधारण अर्थसंकल्प सादर केला आहे. या अर्थसंकल्पात महिलांबाबत फारशी मोठी घोषणा करण्यात आलेली नाही. या अर्थसंकल्पातून महिलांना मोठी अपेक्षा होती पण त्यांचा भ्रमनिरास झाला.

अर्थमंत्री निर्मला सीतारामन यांनी दलित आणि आदिवासी समाजातील महिलांच्या सक्षमीकरणासाठी नवीन योजनेची घोषणा केली आहे. अर्थमंत्री निर्मला सीतारामन यांनी सांगितले की सरकारने 5 लाख महिला आणि SC/ST उद्योजकांसाठी एक नवीन योजना सुरू केली आहे. ज्या अंतर्गत महिलांना आता स्वस्त व्यवसाय कर्ज मिळणार आहे.

याशिवाय, सक्षम अंगणवाडी पोषण 2.0 मध्ये महिलांच्या पोषणासाठी योग्य रक्कम जारी करण्याची घोषणा केली आहे. याअंतर्गत 8 कोटी मुलांना लाभ मिळणार आहे. आणि 8 कोटी गर्भवती महिलांना लाभ मिळणार आहे. याशिवाय गरोदर आणि स्तनदा मातांना पोषण आधारही दिला जाणार आहे.

2025-26 च्या बजेटमधून महिलांना काय अपेक्षा होत्या?

2025-26 च्या अर्थसंकल्पाकडून महिलांना अनेक अपेक्षा होत्या. लखपती दीदी योजनेची व्याप्ती 3 कोटींवरून 5 कोटींपर्यंत वाढवणे, यासह ग्रामीण महिलांसाठी थेट रोख हस्तांतरण योजनेबाबतही अंदाज बांधला जात होता.

सोशल मीडियावर अनेक महिलांनी लिहिले होते की, त्यांना महिला सन्मान प्रमाणपत्र (MSSC) योजना वाढवण्याची अपेक्षा आहे. मनरेगामध्ये आपला वाटा आणि दैनंदिन वेतन वाढवण्याबाबत महिला कामगारांच्याही अपेक्षा होत्या. सध्या दररोज 221 रुपये दिले जातात. महिला शेतकऱ्यांसाठी 'प्रधानमंत्री किसान सन्मान निधी'च्या रकमेतही कोणताही बदल करण्यात आलेला नाही.