ATM : आता एटीएममधून पैसे काढणे होणार महाग! RBI ने घेतला मोठा निर्णय, 1 मे पासून 'हा' नियम होईल लागू

ATM withdrawals will become expensive : एटीएममधून पैसे काढताय..होय ही बातमी तुमच्यासाठीच आहे. आता एटीएमचा वापर जर तुम्ही करत असाल तर तुमच्या खिशाला कात्री लागणार आहे. म्हणजेच एटीएममधून हवे तेव्हा पैसे काढण्याची जी सुविधा तुम्हाला मिळतेय, त्यासाठी आता तुम्हाला जास्तीचे शुल्क द्यावे लागू शकते. तुम्ही म्हणाल की, हे काय आता पण भारतीय रिझर्व्ह बँकेनेच हा निर्णय घेतला आहे.

सांगायचे झाले तर.. आरबीआयने एटीएम इंटरचेंज फी वाढवण्याचा निर्णय घेतला आहे. याचा अर्थ लवकरच सर्वसामान्यांना एटीएममधून पैसे काढण्यासाठी अधिक शुल्क द्यावे लागू शकते. आजतक च्या बातमीनुसार, प्रत्येकवेळी पैसे काढताना आपणास जास्तीचा चार्ज द्यावा लागणार आहे. आरबीआयने एनपीसीआईच्या प्रस्तावाला मंजुरी दिली आहे.

RBI ने ATM मधून रोख रक्कम काढण्यासारख्या आर्थिक व्यवहारांसाठी शुल्क 2 रुपयांनी वाढवण्याचा निर्णय घेतला आहे आणि शिल्लक तपासण्यासारख्या गैर-आर्थिक व्यवहारांसाठी शुल्क 1 रुपयांनी वाढवण्याचा निर्णय घेतला आहे.

किती द्यावी लागणार इंटरचेंज शुल्क?

1 मे 2025 पासून तुम्हाला एटीएम इंटरचेंज फी 17 ते 19 रुपये भरावी लागेल. त्याचवेळी एटीएमद्वारे खात्यातील शिल्लक तपासण्यासाठीचे शुल्क 6 रुपयांवरून 7 रुपये करावे लागणार आहे. त्यामुळे सर्वसामान्यांच्या खिशावर बोजा वाढणार आहे.

इंटरचेंज फी म्हणजे काय? (ATM Interchange Fees Increased)

एटीएम इंटरचेंज फी हे शुल्क आहे जे तुम्ही एटीएम वापरता तेव्हा एक बँक दुसऱ्या बँकेला देते. एटीएममधून व्यवहार केल्यानंतर ही माहिती बिलातही दिली जाते. नॅशनल पेमेंट कॉर्पोरेशन ऑफ इंडियाने 13 मार्च रोजी बँकांना या बदलाची माहिती दिली होती आणि एनपीसीआयने आरबीआयला इंटरचेंज शुल्क वाढवण्यास सांगितले होते. अशा परिस्थितीत आता आरबीआयने त्याला मान्यता दिली आहे.

ATM ऑपरेटरना त्यांची आर्थिक ऑपरेशन्स पूर्ण करण्यात अडचणी

ATM ऑपरेटर्सना सध्याच्या इंटरचेंज फीमुळे त्यांचे आर्थिक ऑपरेशन्स पूर्ण करण्यात अडचणी येत आहेत. अशा परिस्थितीत आरबीआयने हे शुल्क वाढवण्यास मंजुरी दिली आहे. हा भार बँक स्वतःवर उचलण्यासाठी ही फी वाढवत आहे. फेब्रुवारीमध्ये बँकांनी एटीएम इंटरचेंज शुल्क वाढवण्याची मागणी केली होती.

तरीही बँकांनी अद्याप ग्राहकांवर वाढीव इंटरचेंज शुल्क लादणार की नाही याचा निर्णय घेतलेला नाही, परंतु एटीएम इंटरचेंज शुल्क ग्राहकांवर लागू केल्यास त्यांना त्यांच्या खिशात खोलवर जावे लागेल. हे सहसा व्यवहाराची टक्केवारी असते आणि बहुतेकदा ग्राहकाद्वारे पैसे दिले जातात. या निर्णयाचा आता छोट्या बँकांवर मोठा परिणाम होणार आहे. त्यांची इतर बँकांना देयके मोठ्या प्रमाणात वाढतील.

बँकांची मोफत ट्रान्झेक्शन लिमिट किती?

बँक ग्राह एटीएममधून पैसे काढण्याच्या मर्यादेनंतरच हे शुल्क लागू होते, जेव्हा मेट्रो शहरांमध्ये, होम बँक व्यतिरिक्त इतर बँकांच्या एटीएममधून विनामूल्य व्यवहारांची मर्यादा पाचवेळा निश्चित करण्यात आली आहे, तर बिगर मेट्रो शहरांमध्ये, विनामूल्य व्यवहारांची मर्यादा तीन आहे.