Anant Ambani Padyatra: अनंत अंबानी यांची 140 किमी लांबीची पदयात्रा का करत आहेत, स्वतः सांगितले कारण

Anant Ambani Padyatra: रिलायन्स इंडस्ट्रीजचे अध्यक्ष मुकेश अंबानी यांचा धाकटा मुलगा अनंत अंबानी हा अनेकदा त्याच्या आध्यात्मिक अवतारात दिसतो. दरम्यान आता अनंत अंबानी यांचा एक व्हिडिओ व्हायरल होत आहे. या व्हिडीओमध्ये अनंत अंबानी पायी चालत असताना हनुमान चालीसा पठण करत आहे. यादरम्यान, मोठ्या संख्येने लोक त्यांच्यासोबत धावत आहेत आणि हनुमान चालीसा पठणात त्यांना पाठिंबा देत आहेत.

प्रयागराजनंतर आता अनंत अंबानी आणखी एका धार्मिक स्थळाला भेट देत आहेत. अनंत अंबानी जामनगर ते द्वारकादीश असा पायी प्रवास करत असल्याचे सांगण्यात येत आहे. ही पायी यात्रा 140 किलोमीटर पायी प्रवास करून द्वारकाधीशला पोहोचतील. जिथे तो भगवान श्रीकृष्णाच्या चरणी नतमस्तक होईल.

पायी यात्रेचा आजचा 5 वा दिवस आहे. त्यांच्यासोबत त्यांचे अंगरक्षक आणि शेकडो समर्थक आणि भक्तही पदयात्रा करत आहेत. दरम्यान त्याच्यासोबत यात्रेत असलेले लोक हनुमान चालीसा पठण करताना दिसत आहेत. अनंत अंबानी 10 एप्रिल रोजी द्वारका येथे त्यांचा वाढदिवस साजरा करणार असल्याचे सांगण्यात येत आहे.

अनंत अंबानीचं हनुमान चालीसा पठण

अनंत अंबानी एक व्हिडिओ व्हायरल होत आहे ज्यामध्ये अनंत अंबानी चालत असल्याचे दिसून येते. तसेच अनंतच्या भोवती कडक सुरक्षा व्यवस्था आहे. अनंत अंबानी चालताना मोठ्याने हनुमान चालीसा पठण करत आहेत. त्याच्यासोबत चालणारे लोक त्यांना हनुमान चालीसा पठणात साथ देत आहेत. अनंत अंबानीचा हा व्हिडिओ सोशल मीडियावर वेगाने व्हायरल होत आहे.

भगवान द्वारकाधीश आपल्या सर्वांना आशीर्वाद देवो - अनंत

पायी यात्रा प्रवासाबद्दल बोलताना अनंत अंबानी म्हणाले की, 'ही पदयात्रा आमच्या घराच्या जामनगर ते द्वारका अशी आहे. हे गेल्या 5 दिवसांपासून सुरू आहे. तसेच पुढच्या 2-4 दिवसांत आपण द्वारकेला पोहोचू. माझा प्रवास सुरूच आहे. भगवान द्वारकाधीश आम्हा सर्वांचे कल्याण करोत. ते पुढे म्हणाले, 'मी तरुणांना सांगू इच्छितो की कोणतेही काम करण्यापूर्वी भगवान द्वारकाधीशांवर श्रद्धा ठेवा आणि त्यांचे स्मरण करा.' ते काम कोणत्याही अडथळ्याशिवाय नक्कीच पूर्ण होईल आणि जेव्हा देव आपल्यासोबत असेल तेव्हा काळजी करण्याची गरज नाही.

One of the richest man in Asia is proud of his culture. And as soon as some people get 10000 rupees in their pocket, they say - This religion and culture is for all small and illiterate people.

Anant Ambani is walking 140 KM to Dwarka for darshan of Dwarkadhish pic.twitter.com/c4UFUtDW8Z

— Baba Banaras™ (@RealBababanaras) April 1, 2025

रात्रीच्या वेळी पदयात्रा

अनंत अंबानी यांच्यासोबत त्यांची सुरक्षा टीम आणि सहकाऱ्यांचा मोठा ताफा आहे. त्याच्या या पदयात्रेमुळे वाहतुकीत अडथळा येऊ नये म्हणून ते रात्री उशिरा प्रवास करत आहे. दररोज तो सुमारे 10 ते 12 किलोमीटर पर्यंत पदयात्रा जाते. अनंत अंबानींच्या मित्रांव्यतिरिक्त, शेकडो ब्राह्मण आणि भक्तही या पद यात्रेत सामील झाले आहेत. यात्रेदरम्यान 'जय द्वारकाधीश'चा जयघोष करत भाविक भजन-कीर्तन करत आहेत. पदयात्रे दरम्यान अनंत अंबानींना पाहण्यासाठी आणि त्यांच्यासोबत फोटो काढण्यासाठी मोठ्या संख्येने स्थानिक लोक गर्दी करत आहेत.