Aaj sone chandi bhav : एका आठवड्यात सोने-चांदीचे भाव वाढले की कमी झाले? आज काय आहेत दर? घ्या जाणून

Aaj sone chandi bhav how much gold and silver prices change in a week : सोने गेल्या वर्षीच्या तुलनेत यंदा कमालीचे वाढले आहे, एक लाख रुपये पार भावापर्यंत सोन्याने मजल मारली त्यानंतर पुन्हा सोने उतरले आणि आता एका आठवड्यात पुन्हा सोन्याच्या भावात चढ-उतार आहे, तर चांदी 3, 800 रुपये प्रति किलोने वाढले आहे. सोन्या चांदीचे वाढते भाव हे सामान्यांसाठी चिंचेचे कारण बनले आहे.

24 ऑगस्ट रोजी आज चांदीचे भाव एक लाख वीस हजार रुपये प्रति किलोग्राम असून 23 ऑगस्ट रोजी चांदीचे इंदोरच्या सराफा बाजारात 1800 रुपयाने वाढले. त्यानंतर चांदी एक लाख 17 हजार 700 रुपये किलो प्रतिक्रियांवर पोहोचली होती. मात्र एक दिवसातंच चांदीने भाव खाल्ल्याचे दिसते.

गेल्या काही दिवसांपासून सोने आणि चांदीच्या किमतीत सातत्याने वाढ होत आहे. जागतिक आर्थिक अस्थिरता आणि सुरक्षित गुंतवणुकीची वाढलेली मागणी यामुळे सोन्याचा भाव वाढत आहे. आज, 24 ऑगस्ट 2025 रोजी, सोन्या-चांदीच्या दरात पुन्हा मोठी वाढ झाली आहे. सोन्या-चांदीच्या किमतीतील वाढ पाहता, सण-उत्सवाच्या काळात आणि आगामी काळातही हे भाव वाढण्याची शक्यता आहे. त्यामुळे गुंतवणूकदार आणि खरेदीदारांनी विचारपूर्वक निर्णय घेणे महत्त्वाचे आहे.

..का वाढत आहेत सोन्याच्या किमती?

सोन्याच्या किमतीत वादळी वाढ झाली आहे. 10 ग्रॅमची किंमत 1 लाखांच्या पुढे गेली आहे. गुड रिटर्नसच्या वृत्तानुसार, केडिया ॲडव्हायझरीचे अजय केडिया म्हणाले की, सोन्याच्या किमतीतील ही वाढ अनेक जागतिक घडामोडींमुळे झाली आहे. डोनाल्ड ट्रम्प यांच्या वाढत्या टॅरिफ तणावामुळे महागाई वाढण्याची शक्यता आहे. त्यामुळे गुंतवणूक म्हणून सोन्याची मागणी वाढत आहे. दरम्यान, डॉलरच्या निर्देशांकात घसरण होत होती आणि तो 98 च्या खाली घसरला होता.

सोन्याच्या दरवाढीला इतर कारणे

• रशिया आणि युक्रेन युद्धापासून मध्य पूर्व तणावापर्यंत भौगोलिक-राजकीय तणाव. या कारणांमुळे सोने सुरक्षित गुंतवणुकीचा पर्याय बनला आहे.
• केंद्रीय बँकाही सोने खरेदी करत असल्याने भाववाढीचा फटका, ईटीएफचा प्रवाह कायम आहे.
• शेअर बाजारातील घसरणीमुळे गुंतवणूकदार सोन्याकडे वळत आहेत.

सोन्याचे आजचे दर (प्रति 10 ग्रॅम)

दिल्ली, नोएडा, गुरुग्राम:

24 कॅरेट सोने: ₹ 1,01,770

22 कॅरेट सोने: ₹ 93,300

मुंबई, चेन्नई, कोलकाता:

24 कॅरेट सोने: ₹ 1,01,620

22 कॅरेट सोने: ₹ 93,150

जयपूर, लखनऊ, चंदीगड:

24 कॅरेट सोने: ₹ 1,01,770

22 कॅरेट सोने: ₹ 93,300

अहमदाबाद, भोपाळ:

24 कॅरेट सोने: ₹ 1,01,670

22 कॅरेट सोने: ₹ 93,200

हैदराबाद:

24 कॅरेट सोने: ₹ 1,01,620

22 कॅरेट सोने: ₹ 93,150

चांदीच्या दरातही मोठी वाढ

सोन्यासोबतच चांदीच्या किमतीतही मोठी वाढ झाली आहे. एका आठवड्यात चांदीच्या दरात प्रति किलो ₹ 3,800 ची वाढ झाली आहे. आज, 24 ऑगस्ट रोजी, चांदीचा भाव प्रति किलो ₹ 1,20,000 होता.