Nano banana ai trend: ‘नॅनो बनाना' ट्रेंड काय आहे? आता तुमचे साधे फोटो बनवा 3D मध्ये, तेही अगदी मोफत

Nano banana ai trend : फोटो काढणे आणि ते सोशल मीडियावर अपलोड करणे अनेकांना आवडते. एआयद्वारेही युजर्स आपल्या खास आवडी निवडी जपत असतात, कारण त्यातून नाविन्य घडते, आणि नवे ते हवे ही म्हण सर्वश्रृत आहे. आधी घिबली फोटोचा ट्रेंड होता आता तो गेला, आता पुन्हा काही नवे ट्रेंड आले आहेत.

कृत्रिम बुद्धिमत्ता (AI) आजकाल इंटरनेटवर रोज नवनवीन ट्रेंड घेऊन येत आहे. 'घिब्ली स्टाईल'चा ट्रेंड गाजल्यानंतर आता 'नॅनो बनाना' (Nano Banana) नावाचा एक नवा ट्रेंड सोशल मीडियावर धुमाकूळ घालत आहे. या ट्रेंडमध्ये तुम्ही तुमच्या साध्या फोटोचे आकर्षक 3D पुतळ्यात रूपांतर करू शकता, आणि तेही अगदी काही मिनिटांत! तुम्ही अजून या ट्रेंडबद्दल ऐकले नसेल तर काळजी करू नका, आम्ही तुम्हाला याबद्दलची संपूर्ण माहिती देत आहोत.

नॅनो बनाना ट्रेंड म्हणजे काय?

'नॅनो बनाना' हे खरं तर गुगलच्या जेमिनी २.५ फ्लॅश इमेज एडिटिंग टूलचे एक कोडनेम आहे. हे टूल थेट गुगल जेमिनी ॲप किंवा वेबसाइटवर उपलब्ध आहे. या टूलच्या मदतीने तुम्ही तुमच्या फोटोला योग्य 'प्रॉम्प्ट' (Prompt) देऊन त्याचे आकर्षक 3D पुतळे तयार करू शकता.

याचा सर्वात चांगला भाग म्हणजे ही सेवा पूर्णपणे मोफत आहे. तुम्हाला फक्त योग्य सूचना द्यायची आहे आणि हे टूल काही सेकंदांतच तुमचा 3D पुतळा तयार करून देईल. गुगलने यासाठी काही अधिकृत प्रॉम्प्टही दिले आहेत, ज्यामुळे हे काम आणखी सोपे होते.

तुमचे 3D फोटो मोफत कसे तयार कराल? (खालील सोप्या स्टेप्स फॉलो करा)

• स्टेप १: गुगलच्या AI स्टुडिओ वेबसाइटवर किंवा तुमच्या फोनमधील जेमिनी ॲपवर जा.
• स्टेप २: तुमचा फोटो अपलोड करा आणि तुम्हाला हवा असलेला प्रॉम्प्ट (सूचना) लिहा.
• स्टेप ३: तुम्ही गुगलने दिलेला अधिकृत प्रॉम्प्टही वापरू शकता.
• स्टेप ४: 'Run' बटणावर क्लिक करा आणि काही सेकंदांतच तुमचा 3D पुतळा तयार होईल.

हा प्राॅम्ट आवश्यक...

"Create a 1/7 scale commercialized figurine of the characters in the picture, in a realistic style, in a real environment. The figurine is placed on a computer desk. The figurine has a round transparent acrylic base, with no text on the base. The content on the computer screen is a 3D modeling process of this figurine..."

या टूलमध्ये तुम्ही फोटोला १६-बिट व्हिडिओ गेममधील कॅरेक्टरमध्येही बदलू शकता. सेलिब्रिटींपासून ते राजकारण्यांपर्यंत अनेक लोक हा ट्रेंड फॉलो करत आहेत, ज्यामुळे तो भारतात खूप व्हायरल झाला आहे.